Tamil-Sri LankaEnglish (United Kingdom)
Sinhala
Sinhala
   
Text Size

නිතර අසන පැන

මගේ වාහනයට ලැබුනේ රෝස පැහැති ලියාපදිංචි සහතිකයක් (CR). වාහන හඳුනාගැනීමේ පත්‍රය (VIC) ලැබුනේත් නැහැ.

2010 මැයි මස 05 දින සිට නිකුත් කරනු ලබන්නේ රෝස පැහැති ලියාපදිංචි සහතිකයක්. මෙම නව ලියාපදිංචි සහතිකය නිකුත් කිරීමත් සමඟ ඒ දක්වා පැවති වාහන හැඳුනුම්පත්‍ර නිකුත් කිරීමේ ක්‍රමය අත් හිටුවන ලදී. නමුත් මීට පෙර වාහන හැඳුනුම්පතක් නිකුත් කර ඇති වාහන (ඉංග්‍රීසි අක්‍ෂර සහිත ලියාපදිංචි අංක ඇති වාහන) පැවරීම් හෝ සංශෝධන සඳහා ඉදිරිපත් කිරීමේදී ලියාපදිංචි සහතිකය සමඟ වාහන හැඳුනුම්පත ද ඉදිරිපත් කළ යුතුයි.

මගේ වාහනයේ පෙට්‍රල් එංජිම වෙනුවට ඩීසල් එංජිමක් සවිකර ගත හැකිද (ඉන්ධන පරිවර්ථනය)?

වාහනයක මුල් ලියාපදිංචි දිනයේ සිට වසර තුනක් ගතවන තුරු මෙය කළ නොහැක. ඊට අදාල තොරතුරු සඳහා මෙම වෙබ් අඩවියේ ලියාපදිංචි සහතිකයේ තොරතුරු සංශෝධනය කර ගැනීම යටතේ දක්වා ඇත.

මගේ රියදුරු බලපත්‍රයේ තොරතුරු අපහැදිලියි. කුමක් කළ යුතුද?

රියදුරු බලපත්‍රයේ අනුපිටපතක් ලබා ගැනීමට අයදුම් කරන්න. ඊට අදාල තොරතුරු මෙම වෙබ් අඩවියේ රියදුරු බලපත්‍ර යටතේ සඳහන් කර ඇත.

විදේශ රටක බලාධිකාරියක ට ඉදිරිපත් කිරීම සඳහා මගේ රියදුරු බලපත්‍රයේ තොරතුරු පිළිබඳ සටහනක් අවශ්‍යයි. එය ලබා ගන්නේ කෙසේද?

රියදුරු බලපත්‍රයේ සඳහන් අයදුම්කරුගේ පෞද්ගලික තොරතුරු, ධාවනය කළ හැකි වාහන පන්ති, ඒවා නිකුත් කළ දින සහ අවලංගුවන දිනයන් ඇතුලත් උධෘතයක් (Driving License Extract or CMT 52 form) රියදුරු බලපත් අංකය ඉදිරිපත් කර රු.500.00 මුදලක් ගෙවීමෙන් වේරහැර රියදුරු බලපත් කාර්යාලයෙන් ලබාගත හැක. රියදුරුබලපත් ලාභියාගේ අනුමැති ලිපියක් සහිතව වෙනත් අයකුට වුවද මේ සඳහා ඉදිරිපත් විය හැකිය.

මගේ රියදුරු බලපත්‍ර යේ නම හා විදේශ ගමන් බලපත්‍ර යේ නම මුද්‍රණය වී ඇති ආකාරය වෙනස්ය. විදේශ රටක දී ඉදිරිපත් කිරීම සඳහා එම නම් දෙකම එකම අයකුගේ බවට ලිපියක් ලබා ගත හැකිද?

මෙවැනි ලිපියක් නිකුත් කිරීමේ හැකියාවක් මෝටර් රථ ප්‍රවාහන දෙපාර්තමේන්තුව සතුව නැත. ඔබ රියදුරු බලපත් අයදුම්පතේ සඳහන් කළ නම රියදුරු බලපත්‍රයේ මුද්‍රණය වේ. එබැවින් රියදුරු බලපත්‍රය ඔබ අතට ලැබුනු සැනින් එහි තොරතුරු වල නිරවද්‍යතාවය පරීක්‍ෂා කර බලා වෙනසක් ඇත්නම් සංශෝධනය කර ගැනීම ඔබගේ වගකීමකි.

මා වෙත නිකුත් කර තිබූ පුහුණුවන්නන් ගේ අවසර පත්‍රය (Lerner's Permit) නැති වුනා. නැවත එය ලබාගත හැකිද?

ඔව්. රු.250.00 ක මුදලක් ගෙවා එය නිකුත් කළ කාර්යාලයෙන් එහි අනු පිටපතක් ලබා ගත හැකියි.

පුවත් සහ සිද්ධීන්

  • 1
  • 2
Invitation for Prequalification There are no translations available.  Invitation for Prequalification Ministry of Transport & Civil Aviation Department of Motor Traffic ... තව දුරටත් කියවන්න...
Request for Prequalification Proposals for e Motoring Project There are no translations available.    Invitation for Prequalification Ministry of Transport & Civil Aviation Department of Motor Tr... තව දුරටත් කියවන්න...