වාහනයක් ලියාපදිංචි අයිතිය මාරුකිරීම වාහන වර්ගය අනුව අංශ කිහිපයකින් සිදුවේ. සාමාන්‍ය සේවා හා එක්දින සේවා යටතේ පැවරීම සිදුකර ගත හැකිය.

• ද්විත්ව කාර්යය වාහන පැවරුම් අංශය
• මෝටර් රඵ පැවරීම් අංශය
• ත්‍රී රෝද රථ පැවරීම් අංශය
• යතුරු පැදි පැවරීම් අංශය
• මෝටර් ලොරි/බස්/ ඉඩම් වාහන පැවරීම් අංශය

මෝටර් වාහන පැවරීම හා අනුපිටපත් කිරීම

වාහනයක් පැවරීම ලියාපදිංචි කිරීම සඳහා අවශ්‍ය ලියකියවිලි

• පැවරුම් නිවේදනය (එම් ටී ඒ 6)

• ඉල්ලුම් පත්‍රය ( එම් ටී ඒ 8)

• වාහන ලියාපදිංචි කිරීමේ සහතිකය ( සී ආර්)

• පැවරුම් ලාභියාගේ ග්‍ර‍ාමසේවක සහතික කළ ඡායාරූප පිටපත් 02 ක් ( සෙ.මී. 3.5 x 2.5)

• අදාල පැවරුම් වර්ෂය සඳහා අදායම් බලපත්‍රය ඡායා පිටපත් සමග

• මෝටර් කාරයක පැවරුම් බද්ද රු. 3000/=? ( පළමු ලියාපදිංචි කිරී‍ම් දින සිට අවුරුදු 07 ක් ඇතුළත වාහනය පවරන්නේ නම්, පළමු පැවරීමේ මෙම මුදල ගෙවිය යුතුය.

• ඩීසල් සහ සුඛෝපභෝගී බදු ගෙවු රිසිට්පත් වල මුල් පිටපත් සහ ඒවායේ ඡායා පිටපත් (ඩීසල් මෝටර් වාහන සහ ද්විත්ව කාර්ය වහන සම්බන්ධයෙන් 1995 වසරේ සිට පැවරුම් දින දක්වා ඩීසල් බදු රිසිට් පත්)

• වාහන අංකය ඉංග්‍රීසි අකුරකින් පටන්ගන්නා වාහනයක් නම් වාහන හැදුනුම් පත්‍රය (VIC) ඉදිරිපත් කළ යුතුය. පළාත් සභාව වෙනස් වන්නේ නම් එනම් පැවරුම් ලාභියාගේ හා පවරන්නාගේ පළාත් සභා වෙනස් නම් පැරණි අංක තහඩු යුගලද ඉදිරිපත් කළ යුතු අතර, ඒ සඳහා ගාස්තුද ගෙවිය යුතුය. (ඉංග්‍රීස් අකුරුවලින් පටන්ගන්නා වාහන සඳහා උදා. GA,GB, HA&

• වාහනයේ සිලින්ඩර් ධාරිතාවය මත සුබෝපභෝගී හා අර්ධ සුබෝපභෝගී බදු ගෙවු රිසිට්පත්. (සුබෝපභෝගී බදු රු. 50,000/= න් පටන්ගන්නා අතර, අර්ධ සුබෝපභෝගී බදු රු. 25,000/= න් පටන් ගැනේ)

ලියාපදිංචි සහතිකයක (ලි.ක.) වාහන හැදුනුම්පතක (වා.හැ.ප./ස්ටිකරයක/ අංක තහඩුවක) අනුපිටපතක් ලබාගැනීම සඳහා අවශ්‍ය ලියකියවිලි

• ඉල්ලුම් පත්‍රය (සී එම් ටී 65)

• ලි,ස, / හැ.ප./ස්ටිකරයේ /අංක තහඩුවේ මුල් පිටපත නැති වුවහොත් එය නැතිවු බවට ඉල්ලුම්කරු විසින් පොලිසීයට කල පැමිණිල්ලේ පිටපතක්

• හැ.ප./ස්ටිකරයේ /අංක තහඩුවේ මුල් සහතිකය විකෘති කළහොත්/කැඩී ගියහොත් / විනාශ වුවහොත් ඒවා ද ඉදිරිපත් කළ යුතුය.

• පරම අයිතයක් හෝ උකසක් ලියාපදිංචි කර ඇත්නම්, අනු පිටපතක් නිකුත් කිරීම සඳහා විරෝධතාවයක් නොමැති බවට අදාල ආයතනයෙන් ලබාගත් වාර්තාවක්.......

• ඩීසල් කාර්, ද්විත්වකාර්ය වාහන හා සුඛෝපභෝගී, අර්ධ සුඛෝපභෝගී වාහන නියමිත බදු මුදල් ගෙවු කුවිතාන්සි.

වාහන පැවරීමේ එක්දින සේවය

මෙම සේවය යටතේ පැවරුම්ලාභියා පුද්ගලිකව පැමිණ සිය අනන්‍යතාවය තහවුරු කිරීමෙන් පසු එක් දිනක් යටතේ වාහන පැවරීම් කටයුතු සිදුකර ගත හැක. මෙම විශේෂ සේවාව සඳහා

• අදාල වාහනයේ පැවරුම්ලාභියා පුද්ගලිකව පැමිණ සිට අනන්‍යතාවය තහවුරු කළ යුතුය

• මෙම ක්‍රමය යටතේ අනුපිටපත් ලියාපදිංචි සහතික භාරගනු නොලැබේ.

• ඩීසල් බදු සුඛෝපභෝගී බදු, අර්ධ සුඛෝපභෝගී බදුගෙවු රිසිට් පත් වල මුල් පිටපත් ඡායා පිටපත් සමග ඉදිරිපත් කළ යුතුය.

• ඉහත කරුණුවලට අතිරේකව වාහනයක් පැවරීම ලියාපදිංචි කිරීමට අදාල අනෙකුත් කෝන්දේසිද සපුරාලිට යුතුය.